Como foi xullo na Mariña? Que se agarda de agosto? 🤔

Rematou xullo na Mariña e comezou un novo mes con febles precipitacións na Mariña. Dende o punto de vista hidrolóxico, o mes de xullo foi noticia pola activación do estado de PREALERTA por sequía (segue activado) debido ás poucas precipitacións recollidas no que levamos de ano.

Para analizar tanto o caso de Foz como da Mariña utilízanse os datos recollidos polas estacións meteorolóxicas automáticas de MeteoGalicia localizadas na Mariña. En Foz, a serie histórica comeza no ano 2006.

Con estes, pódese afirmar que finalmente tivemos 9 días con chuvia en Foz (por debaixo do promedio para o mes de xullo dende 2006) cunha acumulación de 16L/m^2, sendo polo tanto, o 3º rexistro máis baixo dende 2006. Agora ben, o 52% das precipitacións rexistradas foron soamente o 28 de xullo, repartídonse o 48% restante entre os outros oito días.

A temperatura máxima acadada situouse preto do 29ºC (día 27), por enriba do promedio das máximas rexistradas ata este ano. En cambio, no pasado 3 de xullo acadouse a temperatura mínima diaria máis baixa rexistrada dende 2006 con só 7,9ºC. En consecuencia, a temperatura media do mes sitúase por debaixo do promedio mensual dende que existen rexistros.

Comparando os datos de Foz co resto das localidades que teñen estación de MeteoGalicia obtéñense as seguintes gráficas.

Nas gráficas anteriores obsérvase que a mínima máis baixa da Mariña rexistrouse en O Valadouro con 5,56ºC, uns 6ºC menos que a mínima máis fría de Burela. En canto ao promedio das temperaturas mínimas mensuales (segunda figura), obsérvase que en Penedo do Galo fixo máis frío que no resto da Mariña. Isto era agardado pola súa maior altitude e como sabemos, sen situacións de inversión térmica, a temperatura diminúe coa altura. No resto da Mariña, os promedios son moi similares (preto dos 15ºC), sendo, en xeral, as noites máis cálidas en Ribadeo.

A temperatura máxima rexistrada en xullo na Mariña (terceira figura) atopámola en A Pontenova con 36,47ºC, case 10ºC superior á máis elevada de Ribadeo (26,96ºC). En consecuencia, como se podía agardar e se observa na figura, houbo un forte contraste entre as estacións máis interiores e as do litoral onde sen ventos de compoñente sur/sudoeste/sureste, as temperaturas non conseguen elevarse en exceso. Respecto ao promedio das temperaturas máximas (figura 4), en Lourenzá gozaron de máximas máis cálidas xa que teñen a media máis elevada (23,58ºC), mentres que nas dúas estacións máis elevadas da Mariña (Burela e Penedo do Galo), as máximas foron máis baixas na meirande parte dos días do mes. Aínda que A Pontenova rexistrara a máxima máis elevada, ata en 5 días máis que Lourenzá a máxima diaria non conseguiu superar os 20ºC.

Aínda que existan grandes diferenzas entre as máximas e as mínimas das localidades da Mariña, a temperatura media de xullo (figura 5) situouse entre os 18-19ºC na meirande parte da Mariña. De novo, nas estacións de Burela e Penedo do Galo rexistáronse as temperaturas máis frías da Mariña.

Por outra banda, Ribadeo foi a localidade con máis horas de sol en xullo (figura 6). Supoñendo que nun día soleado de xullo temos aproximadamente unhas 15 horas de sol cada día, en dita estación houbo o equivalente a case 13 días completamente soleados. En Foz, gozamos do equivalente a aproximadamente uns 12 días completamente soleados. En contraposición, na estación de Burela as horas de sol rexistradas só equivalen a uns 10 días completamente soleados.

Por último, onde menos precipitación se rexistrou foi na estación de A Pontenova, mentres que onde máis foi na estación de Penedo de Galo (figura 7). Polos datos mostrado, obsérvase que choveu maís no litoral que no interior. En canto aos días de chuvia, Tamén foi Penedo do Galo onde máis días con precipitacións houbo (figura 8) uns 8 días menos que en Lourenzá e Mondoñedo.

Respecto ao tempo agardado para o mes de agosto, o modelo climático do Centro Europeo espera temperaturas e precipitacións dentro do agardado para un mes de agosto na Mariña.

#AMariñaCalidade #VuelveAEncontrarElNorte