Este ano, os modelos suxiren, de momento, a posibilidade de presenza de nubes de tipo alto nas horas centrais do día (ver figura seguinte) que non deberían de dificultar en exceso o paso dos raios solares e cunha temperatura máxima que se situaría entre os 22-24ºC. O vento mairoritariamente do Sudoeste na madrugada e primeiras horas da mañá e que despois procederá do Nordés no resto da mañá e primeiras horas da tarde. Para finalizar o día, agárdase de compoñente Este e incluso Sureste durante a noite . En todo caso, o vento será frouxo con refachos que como máximo chegarían aos 30km/h.
Predición feita por combinación dos modelos WRF, GFS, IFS e ICON ás 23h 24/7.
En canto ao mar, teremos unha temperatura da auga que oscilará entre os 20-22ºC, sendo, segundo o modelo, máis cálida pola tarde que pola mañá. Respecto á altura significativa de onda incrementarase co paso das horas dende os 0,16m ata os 0,24, polo tanto a altura máxima de onda que se podería agardar aproximadamente no día 25 sería de 0,48m de noite.
Baixamar 02:18 14:30 Preamar 08:34 20:52
Analizando os últimos 14 anos cos datos da estación de MeteoGalicia en Foz pode observarse que en só choveu en 4 ocasións, sendo 2018 o ano cando máis precipitacións se rexistraron. Ademais, o certo é que nos 2 últimos anos se rexistraron chuvias, mais este ano están descartadas.
Resulta interesante sinalar o caso do ano pasado cando se alcanzou a temperatura máxima con 27,7ºC grazas ao efecto do vento de compoñente Sudoeste. Esta alcanzouse ás 13h (hora local), unhas 4 horas antes de que se produciran as precipitacións.
A temperatura media das máximas neste período foi de 22,73ºC, polo que este ano a temperatura máxima agardada podería ser lixeiramente superior a este limiar.
Bo día de Galicia.